You are here: Sri Vaishnava Home Page : Bhakti List : Archives : February 1998

Request : mukundamAlA text/translation

From: Shree (shree_at_usa.net)
Date: Thu Feb 05 1998 - 06:52:27 PST

> From: Badari Devalla <badari@cs.tamu.edu>
> Subject: Request : mukundamAlA text/translation
> Date: Mon, 26 Jan 1998 13:22:05 -0600 (CST)
>
> Howdy !
> I am looking for the text and an english translation for kulasekara alwar's
> mukundamAlA. What a fantastic piece of work !
> 

namaskaar,

Here is the text as per ITRANS 5.1 Transliteration scheme - given at end of post
for reference. 
If you want to see the devanaagarii version and have a postscript viewer, I can
send the .ps file. 

vande mukundamaravindadalAyatAkshaM
        kundendushaN^khadashanaM  shishugopaveSham  .
indrAdidevagaNavanditapAdapIThaM
        vR^indAvanAlayamahaM vasudevasUnum  .. 1..

shrIvallabheti varadeti dayApareti
        bhaktapriyeti bhavaluNThanakovideti
nAtheti nAgashayaneti jagannivAse
        tyAlApanaM pratipadaM kuru me mukunda  .. 2..

jayatu jayatu devo devakInandano.ayaM
        jayatu jayatu kR^iShNo vR^iShNiva.nshapradIpaH  .
jayatu jayatu meghashyAmalaH komalAN^go
        jayatu jayatu pR^ithvIbhAranAsho mukundaH  .. 3..

mukunda mUrdhnA praNipatya yAche
        bhavantamekAntamiyantamartham  .
avismR^itistvachcharaNAravinde
        bhave bhave me.astu bhavatprasAdAt  .. 4..

nAhaM vande tava charaNayordvandvamadvandvahetoH  .
        kumbhIpAkaM gurumapi hare nArakaM nApinetum
ramyAM rAmAM mR^idutanulatAM nandane nApi rantuM
        bhAve bhAve hR^idayabhavane bhAvayeyaM bhavantam  .. 5..

nAsthA dharme na vasunichaye naiva kAmopabhoge
        yadyad.hbhavyaM bhavatu bhagavan pUrvakarmAnurUpam  .
etatprArthyaM mama bahumataM janmajanmAntare.api
        tvatpAdAmbhoruhayugagatA nishchalA bhaktirastu  .. 6..

divi vA bhuvi vA mamAstu vAso
        narake vA narakAntaka prakAmam  .
avadhIritashAradAravindau
        charaNau te maraNe.api chintayAni  .. 7..

kR^iShNa tvadIyapadapaN^kajapaJNjarAnta\-
        radyaiva me vishatu mAnasarAjaha.nsaH  .
prANaprayANasamaye kaphavAtapittaiH
        kaNThavarodhanavidhau smaraNaM kutaste  .. 8..

chintayAmi harimeva santataM
        mandamandahasitAnanAmbujam  .
nandagopatanayaM parAtparaM
        nAradAdimunivR^indavanditam  .. 9..

sarasijanayane sashaN^khachakre
        murabhidi mA viramasva chitta rantum  .
sukhakaramaparaM na jAtu jAne
        haricharaNasmaraNAmR^itena tulyam  .. 10..

mAbhIrmandamano vichintya bahudhA yAmIshchiraM yAtanAH
        nAmI naH prabhavanti pAparipavaH svAmI nanu shrIdharaH  .
AlasyaM vyapanIya bhaktisulabhaM dhyAyasva nArAyaNaM
        lokasya vyasanApanodanakaro dAsasya kiM na kshamaH  .. 11..

bhavajaladhigatAnAM dvandvavAtAhatAnAM
         sutaduhitR^ikalatratrANabhArArditAnAm  .
viShamaviShayatoye majjatAmaplavAnAM
        bhavatu sharaNameko viShNupoto narANAm  .. 12..

bhavajaladhimagAdhaM dustaraM nistareyaM
        kathamahamiti cheto mA sma gAH kAtaratvam  .
sarasijadR^ishi deve tAvakI bhaktirekA
        narakabhidi niShaNNA tArayiShyatyavaShyam  .. 13..

tR^iShNAtoye madanapavanod.hdhUtamohormimAle
        dArAvarte tanayasahajagrAhasaN^ghAkule cha  .
sa.nsArAkhye mahati jaladhau majjatAM nastridhAman
        pAdAmbhoje varada bhavato bhaktinAvaM prayachCha  .. 14..

mA drAkshaM kshINapuNyAn kshaNamapi bhavato bhaktihInAn padAbje
        mA shrauShaM shrAvyabandhaM tava charitamapAsyAnyadAkhyAnajAtam  .
mA smArShaM mAdhava tvAmapi bhuvanapate chetasApahanuvAnAn
        mA bhUvaM tvatsaparyAvyatikararahito janmajanmAntare.api  .. 15..

vAtsalyAdabhayapradAnasamayAdArtArtinirvApaNAt
        audAryAdaghashoShaNAdagaNita shreyaH padaprApaNAt  .
sevyaH shrIpatireka eva satataM santyatra ShaTsAkShiNaH
        prahlAdashcha vibhIShaNashcha karirAT pAJNchAlyahalyA dhruvaH  .. 16..

jihve kIrtaya keshavaM muraripuM cheto bhaja shrIdharaM
        pANidvandva samarchayAchyutakathAshshrotradvaya tvaM shruNu  .
kR^iShNaM lokaya lochanadvaya harergachchhAN^ghri yugmAlayaM
        jighra ghrANa mukundapAdatulasIM mUrdhan namAdhokShajam  .. 17..

he lokAshshrR^iNuta prasUtimaraNavyAdheshchvikitsAmimAM
        yogaGYAssamudAharanti munayo yAM yAGYavalkyAdayaH  .
antarjyotirameyamekamamR^itaM kR^iShNAkhyamApIyatAM
        tatpItaM paramauShadhaM vitanute nirvANamaatyantikam  .. 18..

he martyAH paramaM hitaM shrR^iNuta vo vakShyAmi sa.nkShepataH
        sa.nsArArNavamApadUrmibahulaM samyakpravishya sthitAH  .
nAnAGYAnamapAsya chetasi namonArAyaNAyetyamuM
        mantraM sapraNavaM praNAmasahitaM prAvartayadhvaM muhuH  .. 19..

pR^ithvI reNuraNuH payA.nsi kaNikA phalgusphuliN^golaghuH
        tejo nishvasanaM maruttanutaraM randhraM susUkShmaM nabhaH  .
kShudrA rudrapitAmahaprabhR^itayaH kITAssamastAssurAH  .
        dR^iShTe yatra sa tAvako vijayate bhUmAvadhUtAvadhiH  .. 20..

baddhenAJNjalinA natena shirasA gAtraissaromodgamaiH
        kaNThena svaragad.hgadena nayanenod.hgIrNavAShpAmbunA  .
nityaM tvachcharaNAravindayugaladhyAnAmrutAsvAdinAm
        asmAkaM sarasIruhAkSha satataM saMpadyatAM jIvitam  .. 21..

he gopAlaka he kR^ipAjalanidhe he sindhukanyApate
        he ka.nsAntaka he gajendrakaruNApArINa he mAdhava  .
he rAmAnuja he jagattrayaguro he puNDarIkAkSha mAM
        he gopIjananAtha pAlaya paraM jAnAmi na tvAM vinA  .. 22..

bhaktApAyabhujaN^gagAruDamaNistrailokyarakShAmaNiH
        gopIlochanachAtakAmbudamaNissaundaryamudrAmaNiH  .
yaH kAntAmaNirukmiNIghanakuchadva.ndvaikabhUShAmaNiH
        shreyo devashikhAmaNirdishatu no gopAlachUDAmaNiH  .. 23..

shatruchChedaikamantraM sakalamupaniShad vAkyasampUjyamantraM
        sa.nsArottAramantraM samupachitatamassaN^ghaniryANamantraM  .
sarvaishvaryaikamantraM vyasanabhujaga\-sa.ndaShThasantrANamantraM
        jihve shrIkR^iShNamantraM japa japa satataM janmasAphalyamantram  ..
24..

vyAmohaprashamauShadhaM munimanovR^ittipravR^ittyauShadhaM
        daityendrArtikarauShadhaM tribhuvanIsajjIvanaikauShadham  .
bhaktAtyantahitauShadhaM bhavabhayapradhva.nsanaikauShadhaM
        shreyaHprAptikarauShadhaM pibamanashshrIkR^iShNadivyauShadham  .. 25..

AmnAyAbhsanAnyaraNyaruditaM vedavratAnyanvahaM
        medashChedaphalAni pUrtavidhayassarve hutaM bhasmani  .
tIrthAnAmavagAhanAni cha gajasnAna.n vinA yatpada
        dvandvAmbhoruhasa.nsmR^itirvijayate devasya nArAyaNaH  .. 26..

shrImannAma prochya nArAyaNAkhyaM
        ke na prApurvAJNchhitaM pApino.api  .
hA naH pUrvaM vAkpravR^ittA na tasmin
        tena prAptaM garbhavAsAdiduHkham  .. 27..

maJNjanmanaH phalamidaM madhukaiThabhAre
        matprArthanIya madanugraha eSha eva  .
tvad.hbhR^ityabhR^ityaparichArakabhR^ityabhR^itya\-
        bhR^ityasyabhR^itya iti mAM smara lokanAtha  .. 28..

nAthe naH puruShottame trijagatAmekAdhipe chetasA
        sevye svasya padasya dAtari sure nArAyaNe tiShThati  .
yaM kaJNchitpuruShAdhamaM katipayagrAmeshamalpArthadaM
        sevAyai mR^igayAmahe naraM aho mUDhA varAkA vayam  .. 29..

madana parihara sthitiM madIye
        manasi mukundapadAravindadhAmni  .
haranayanakR^ishAnunA kR^isho.asi
        smarasi na chakraparAkramaM murAreH  .. 30..

tattvaM bruvANAni paraM parasmAt
        madhu ksharantIva satAM phalAni  .
prAvartaya prAJNjalirasmi jihve
        nAmAni nArAyaNagocharANi  .. 31..

idaM sharIraM pariNAmapeshalaM
        patatyavashyaM shrlathasandhi jarjaram  .
kimauShadhaiH klishyasi mUDha durmate
        nirAmayaM kR^iShNarasAyanaM piba  .. 32..

dArA vArAkaravarasutA te tanUjo viriJNchiH
        stotA vedastava suragaNo bhR^ityavargaH prasAdaH  .
muktirmAyA jagadavikalaM tAvakI devakI te
        mAtA mitraM balaripusutastvayyavo.anyanna jAne  .. 33..

kR^iShNo rakshatu no jagattrayaguruH kR^iShNaM namasyAmyahaM
        kR^iShNenAmarashatravo vinihatAH kR^iShNAya tasmai namaH  .
kR^iShNAdeva samutthitaM jagadidaM kR^iShNasya dAso.asmyahaM
        kR^iShNetiShThati sarvametadakhilaM he kR^iShNa rakshasva mAm  .. 34..

tattvaM prasIda bhagavan kuru mayyanAthe
        viShNo kR^ipAM paramakAruNikaH kila tvam  .
sa.nsArasAgaranimagnamananta dIna\-
        muddhartumarhasi hare puruShottamo.asi  .. 35..

namAmi nArAyaNapAdapaN^kajaM
        karomi nArAyaNapUjanaM sadA  .
vadAmi nArAyaNanAma nirmalaM
        smarAmi nArAyaNatattvamavyayam  .. 36..


ananta vaikuNTha mukunda kR^iShNa
        govinda dAmodara mAdhaveti  .
vaktuM samartho.api na vakti kashchit
        aho janAnAM vyasanAbhimukhyam  .. 37..

kAyena vAchA manasendriyairvA
        buddhyAtmanA vA prakR^iteH svabhAvAt  .
karomi yadyat sakalaM parasmai
        nArAyaNAyeti samarpayAmi  .. 38..

kshIrasAgarataraN^gashIkarA\-
        sAratArakitachArumUrtaye  .
bhogibhogashayanIyashAyine
        mAdhavAya madhuvidviShe namaH  .. 39..

ayAchyamakreyamayAtayAma\-
        mapAchyamakshayyamadurbharaM me  .
astyeva pAtheyamitaH prayANe 
        shrIkR^iShNanAmAmR^itabhAgadheyam  .. 40..

yasya priyau shrutadharau kavilokavIrau
        mitredvijanmavarapArashavAvabhUtAm  .
tenAmbujAksha charaNAmbujaShaTpadena
        rAGYA kR^itA kR^itiriyaM kulashekhareNa  .. 41..

---------
Vowels (dependent and independent):
-------
a      aa / A    i      ii / I     u       uu / U 
R^i    R^I       L^i    L^I
e      ai        o      au         aM      aH

Consonants:
----------- 
k     kh     g     gh     ~N
ch    Ch     j     jh     ~n
T     Th     D     Dh     N
t     th     d     dh     n
p     ph     b     bh     m

y     r      l     v / w
sh    Sh     s     h      L
x / kSh     GY / j~n / dny     shr

-- 
Regards,
Shree
-----------------------------------------------------------
email:    shree@usa.net
satsangh: http://www.geocities.com/Athens/Acropolis/8891/
bhajans:  http://www.geocities.com/Athens/Acropolis/4637/